مطبخ سوا يقدم لكم حلوى ليالي بيروت

سوا - نت - نقدم اليك سيدتي وصفة لذيذة وسهله لحلوى ليالي بيروت جربيها

مقادير ليالي بيروت : 

2 لتر حليب سائل

كاستين سميد ناعم

كاسة سكر

2 ملعقه صغيرة ماء ورد

قشطة:

2 لتر حليب

ملعقه صغيرة ملح الليمون

3 كاسات حليب

4 ملاعق كبار نشاء

ملعقه كبيرة زبدة

ماء ورد ملعقه صغيرة

3 ملاعق كبار سكر

قطر:

2 كاسة سكر

كاسة مي

ربع ملعقه صغيرة ملح الليمون

ملعقه صغيرة ماء ورد

فستق حلبي للزينة

كريما

طريقة تحضير ليالي بيروت
١. 2 لتر حليب سائل حطيتن عالنار وبس سخن الحليب ضفت كاسة سكر وحركتا شوي وقت غلي الحليب ضفت كاستين سميد ناعم اللي منعمل فيه البسبوسه وشوي شوي مع التحريك المستمر لحتى مايصير كتل وبس غلظ قوام المزيج ضفت 2 ملعقه صغيرة ماء ورد وطفيت النار وسكبت المزيج ب 2 بيريكس وتركتن يبردو وبعدو عالبراد شي ساعتين

٢. وجهزت القشطة والقطر.

٣. القطر: 2 كاسة سكر وكاسة مي وربع ملعقه صغيرة ملح الليمون حطيتن عالنار وبس غلي تركتن يغلو 5 دقايق وضفت ملعقه صغيرة ماء ورد وطفيت النار وتركتو يبرد منيح.

٤. القشطة: 2 لتر حليب حطيتن عالنار وبس سخن الحليب ضفت ملعقه صغيرة ملح الليمون وبصير خل او ليمون وبس فرط الحليب تركتو يغلي غلوتين وطفيت النار وصفيتو بقماشة رقيقه وعصرتا منيح ورجعت طبخت 3 كاسات حليب مع 4 ملاعق كبار نشاء وملعقه كبيرة زبدة وحركتن باستمرار عالنار واخر شي ضفت ماء ورد ملعقه صغيرة وطفيت النار وخلطتن مع قريشه الحليب اللي حصلت عليا من فرط الحليب وضفت 3 ملاعق كبار سكر وخلطتن بالخلاط صار عندي قشطة ناعمة بتشبه القشطة العلب.

٥. وفردتا فوق طبقه الحليب مع السميد وحسيتا مانا سميكة طبقه القشطة رجعت خفقت ظرفين كريما بودرة مع كاسة حليب سائل بارد وملعقه صغيرة ماء ورد وبس نفشت الكريما حطيتا بالبراد نص ساعه وبعدين زينت فيا ورشيت فستق حلبي مطحون ووقت التقديم منضيف القطر