نور نعمة شاب طموح مثابر مسؤول بكل ما تحمله الكلمة مثال لكل شاب عربي
نور نعمة شاب طموح مثابر مسؤول بكل ما تحمله الكلمة مثال لكل شاب عربي عنيد بطموحه عبر موقع سوا سنتعرف على شخصيته اكثر تابعونا.........
1)في بداية حديثا من هو نور نعمة ؟؟
*)نور الدين نعمة شاب بمقتبل العمر بحب الحياة عمري 22 ونص من قرية رأس علي قريبة ع شفاعمرو وابطن .
2)ما هي هواياتك ؟
*)هواياتي كثيرة نوعا ما بس بحب كثير السباحة وكرة القدم جدا
وعندي ايضا موهبة الغناء منذ الصغر.
3)مين اكتشف موهبتك بالغناء وشجعك؟
*)موهبتي اكتشفها اهلي وخاصتا اخوي لانو كمان صوتو حلو وبفهم بمجال الفن وكان المساند الي دوما .وبالمدرسة بكل الحفلات والفعاليات كنت اغني واخذت دعم كافي وكامل لاطور موهبتي .
4)انت حاليا شو بتشتغل؟
*)انا عندي صالون قص شعر للشباب والحمد لله الصالون شغال بشكل ممتاز وبشتغل ايضا بمصنع بلاستيك מפעיל מכונה...
5)شو سبب اختيارك لمهنة قص الشعر؟
*)قص الشعر فن من نوع اخر كأني برسم لوحة لما بمسك مقص الشعر وكمان وانا صغير كنت احب هالمهنة والحمد لله اليوم انا ناجح بمجالي.
6)في الك اغنية ديتو كيف تم هالتعامل ؟
*)تعرفت على صديقه عن طريق الفيسبوك وهي كمان كانت تحب تغني وكانو صحابها صاحباتها يشجعوها فانا استشرتها بقلها ازا منسجل دويتو بتحبي تسجلي معي وعملنا دويتو سوى هاي كانت اول اغنيه منسجلها وبعدين تطورر الاشي وتعرفت على ناس بتكتب اغاني وعازفين وناس موسيقين لاستمراري بهالمجال
7)اغنية خاصة الك تحكيلنا عنها؟
*)من بعد الدويتو انا وصديقتي زاد عدد المعجبين ومن هون اجت فكرة اغنية تحمل بصمتي وخاصة الي
الاغنية : ملكة قلبي
كلمات :نخلة انطون
توزيع : كريم نوباني
الحان : داوود ابراهيم
وهالاغنية كانت انطلاقة نور بشكل رسمي وقوي .
8)مين مثلك الاعلى ؟
*)مثلي الاعلى والدي لانو بسبب دعمو انا اليوم هون ابوي هو يلي علمني المسؤولية وكيف نكافح بشرف بهالحياة .
9)مشاريعك المستقبلية ؟؟
*)مشاريعي الاستمرار في مجال الفن ليصل صوتي وفني لكل العالم ولنبرهن للعالم اجمع ان شبابنا لديه مواهب يفتخر بها العالم .
10) نصيحتك لجيل اليوم ؟
*) انا واحد من هالجيل وبعرف الصعوبات الموجودة ولهيك رح اطلب من الجميع يحارب بشرف وقوة بهالدنيا ليحقق كل احلامو ولا يأس مع الحياة .
واسمع واستفيد من نقد الاخرين الك وحول هالنقد السلبي لنقد ايجابي ولازم نكون دائما عارفين انو نحنا الاقوى ومنقدر نوصل
11) كلمة اخيرة؟
*) تحية لموقع سوا ولكل المتابعين لهالموقع وتحية لحضرتك الاعلامية سوسن فرعتاوي واتمنى لكم مزيدا من التقدم والنجاح والاستمرارية
شكرا لاهلي واصحابي شكرا لكل شخص ساند ودعم وتحمل نور وان شاء الله بكون عند حسن الظن ....
